Угостителите и музичарите незадоволни најавија протести

По зголемувањето на бројот на нови случаи со Ковид 19, Владата усвои нови протоколи кои предвидуваат ограничување на работното време на угостителските објекти, бројот на посетители во нив, како и мерки со кои се забрануваат настапи на музучари и диџеи.

Овие мерки доаѓаат по неколку инциденти во познати локали во земјата каде изминатиот период беа организирани концерти, на кои не се почитуваа мерките.

Угостителските здруженијата сметаат дека не е во ред поради неколкумина некоректни колеги кои не ги почитуваат законите и се ставаат над нив, да страда целиот сектор.

Најавуваат дека ќе ги затворат своите објекти во знак на протест против одлуката за воведување нови рестрикции во угостителството.

Незадоволни се и музичарите, кои денеска ќе излезат на протест на кој ќе ги изразат своето незадоволство и ќе ги изнесат своите барања.

Post Author: aleksandar